W70. என்னை முன்னேற்றத்தின் கருடனாக ஆக்கு. (Whispers from Eternity - Tamil & English)
70. என்னை முன்னேற்றத்தின் கருடனாக ஆக்கு.
குறுகிய மனப்பான்மை மற்றும் பிடிவாதங்களாலான சிறு சந்துகளில் அகப்படாமல், அவைகளுக்கு வெகு மேலாகப் பறக்கும் முன்னேற்றத்தின் கருடனாக என்னை ஆக்கு. மேன்மேலும் மேன்மையடைவதற்கு என்னைக் கூவியழை, நான் பூலோக அதிர்வலை மூட்டங்கள் எல்லாவற்றிற்கும் மேலாகப் பறந்து செல்வேன்.
என் ஆன்மாவின் கூர்மையான கவ்வு நகங்களால், மனிதர்களைப் பதம்பார்க்கும் சோகப்பறவைகள் எல்லாவற்றையும் பிடித்துக் கிழித்தெறிவேன். மனித மன-வானில் சாந்தப் புறாக்களைத் தாக்கும் ஆன்ம-அறியாமைக் கழுகுகள் அனைத்தையும் அதிலிருந்து விரட்டி வெளியேற்றுவேன்.
உன் பார்வைபடும் நுண்ணிய பிரதேசங்களில், தர்ம-வாழ்வெனும் நடுநிலை மேவிய சிறகுகளையடித்துப் பறந்து செல்ல விரும்புகிறேன். சோக-அதிர்வுகளாலான சுழல்-சூறாவளிகளுக்கு மேல், நான் வெகு உயரமாகப் பறந்து, நீ உறைகின்ற கற்பனைக்கு எட்டாத உயரங்களுக்கு மேலெழும்ப விரும்புகிறேன்.
என்னை உனது பணிபுரியும் முன்னேற்றத்தின் கருடனாக ஆக்கு.
தமிழாக்கம்: பரமஹம்ஸ தாசன் சிவா
Original:
70 Make me the Eagle of Progress.
Whispers from Eternity 1929 - Sri Paramhansa Yogananda
(Courtesy of https://archive.org)
---
ஓம் தத் ஸத்
பிரம்மார்பணம் அஸ்து!
Post a Comment